ଭାରତର ଅନ୍ୟତମ ପବିତ୍ର ଶ୍ମଶାନ 'ସ୍ୱର୍ଗଦ୍ୱାର' ପୁରୀର ବଙ୍ଗୋପସାଗର ( ଯାହା ମହୋଦଧି ନାମରେ ଜଣା ଯାଏ ) କୂଳରେ ଅବସ୍ଥିତ । ସ୍ୱର୍ଗଦ୍ୱାର ପୁରୀର ଶ୍ରୀ ଜଗନ୍ନାଥ ମନ୍ଦିରର ଦକ୍ଷିଣ ଦିଗରେ ଶ୍ରୀମନ୍ଦିର ଠାରୁ ପ୍ରାୟ ଦୁଇ କିଲୋମିଟର ଦୂରରେ ଅବସ୍ଥିତ । ସମଗ୍ର ଦେଶର କୋଟି କୋଟି ହିନ୍ଦୁ ବିଶ୍ୱାସ କରନ୍ତି ଯେ ସ୍ୱର୍ଗଦ୍ୱାରରେ ଶରୀରକୁ ଦାହ କଲେ ମୃତ ବ୍ୟକ୍ତିର ଆତ୍ମା ଚରମ ପରିତ୍ରାଣ ଲାଭ କରିଥାଏ ।

ଏହି ପବିତ୍ର ସ୍ୱର୍ଗଦ୍ୱାର ନିକଟରେ ଥିବା ସମୁଦ୍ର (ମହୋଦଧି)କୁ ପ୍ରତ୍ୟକ ଅମାବାସ୍ୟାରେ ପ୍ରଭୁ ଶ୍ରୀ ଜଗନ୍ନାଥ ଅମାବାସ୍ୟା ନାରାୟଣ ରୂପରେ ପରିଦର୍ଶନ କରିଥାନ୍ତି । ଯାହାକି ଜଗନ୍ନାଥଙ୍କ ଶ୍ୱଶୁରାଳୟ ବୋଲି କୁହାଯାଏ। ସ୍କନ୍ଦ ପୁରାଣରେ ଥିବା ପୁରୁଷୋତ୍ତମ ମାହାତ୍ମ୍ୟ ବର୍ଣିତ ସ୍ୱର୍ଗଦ୍ୱାର ପ୍ରଶସ୍ତି ଅନୁଯାୟୀ ପ୍ରତିଦିନ ଏହି ପବିତ୍ର ସ୍ଥାନ ଦେଇ ସ୍ୱର୍ଗଲୋକକୁ ଦେବା ଦେବୀଗଣ ଶ୍ରୀମନ୍ଦିରରେ ଶ୍ରୀଜିଉ ମାନଙ୍କୁ ଦର୍ଶନ କରିବା ଉଦ୍ଦେଶ୍ୟରେ ଧରାବତରଣ କରିଥାନ୍ତି ।ଏହା ବ୍ୟତୀତ ସ୍ୱର୍ଗଦ୍ୱାରକୁ ନେଇ ଅନେକ ଲୋକ କଥା ଓ କାହାଣୀ ମଧ୍ୟ ରହିଛି।ଏହି ଶବଦାହ ସ୍ଥଳରେ ଶ୍ମଶାନକାଳୀ,ଚିନ୍ମୟେସ୍ୱର ଓ ଭୂତନାଥ ଭଳି ପ୍ରାଚୀନ ମନ୍ଦିର ଅବସ୍ଥିତ ଅଛି।